එකමත් එක පිටිසර පුංචි ගමක සහන් , තිලංක කියල බොහොම එකමුතු යහලුවො දෙන්නෙක් හිටියා. සහන් වත් පොහොසත්කම් තියෙන පවුලක වුණත් තිලංක දුප්පත් පවුලක ළමයෙක්.තිලංකගෙ අප්පච්චි හේන් ගොවිතැන් තමයි කළේ.හැබැයි ඒ දේවල් නිසා මෙයාල අතර භේද තිබ්බෙ නෑ. මේ දෙන්න ඒ දෙන්නගෙ වැඩවලට උදව් කරගෙන තමයි හිටියෙ.කොච්චර මේ දෙන්න යාලුවොද කියනවනම් මේ දෙන්නගෙන් එක්කෙනෙක් එක දවසක් හරි ඉස්කෝලෙ ආවෙ නැතිවුනොත් අනිත් කෙනා බොහොම පාලුවෙන් තමයි එදා දවසෙ ඉන්නෙ.

මෙහෙම ටික කාලයක් ගතවෙද්දි දවසක් තිලංකගෙ තාත්තා හදිසියේම මිය ගියා.මේ සිද්දිය නිසා තිලංකගෙ පවුලෙ අය ලොකු අගහිඟකම් වලට මුහුණ දුන්නා.තිලංක හදිසියේම පාසල් යෑම නතර කළා.ටික දවසක් තිලංක ඉස්කෝලෙ ආපු නැති නිසා සහන්ට ඒක ප්‍රශ්නයක් වුණා.දවසක් ඉස්කෝලෙ වෙලාව ඉවරවෙලා සහන් තිලංකගෙ ගෙදර ගියා.ඒ යනකොට තිලංක හේනෙ ගිහිල්ල එනව සහන්ට හමුවුණා.

තිලංක දැන් දවස් 3ක්ම ඉස්කෝලෙ ආවෙ නෑනේද? සහන් ඇහුවා.තිලංක සද්ද නැතිව බිම බලාගෙන හිටියා.ඒ වෙලාවෙම තිලංකගෙ අම්මා එතනට ආවා.හා... සහන් පුතානෙ. මං බැලුව කවුද කතාකරනව ඇහෙන්නෙ කියලා. අම්මා කිව්වා.තිලංක දවස් කීපයක් ඉස්කෝලෙ ආවෙ නැති නිසා බලන්න ආවෙ.සහන් කිව්වා.පුතේ තිලංක ආයෙ ඉස්කෝලෙ යන්නෙ නෑ කියල තිලංකගෙ අම්මා විස්තරය සහන්ට කිව්වා.තම හොඳම යාලුව ආයෙත් ඉස්කෝලෙ එන්නෙ නැතිබව දැනගත්ත සහන් ගොඩක් දුකින් ගෙදර ආවා.

මේ සිද්දිය ගැන සහන්ගෙ අම්මට සහන් කිව්වා. අපි තිලංකට ඉස්කෝලෙ යන්න අපිටත් පුලුවන් විදියට එයාට උදව් කරමු.සහන්ගෙ අම්මා කිව්වා.සහන්ට ගොඩක් සතුටු හිතුණා.සති අන්තෙ සහන් එයාගෙ අම්මයි, තාත්තයි එක්ක තිලංකගෙ ගෙදර ගියා.තිලංකගෙ අම්මා තිලංකට කතා කලා. සහන් එයාගෙ අම්මයි, තාත්තයි එක්ක ආපුඑක ගැන තිලංක ගොඩක් සතුටු වුණා. සහන්ගෙ අම්මයි තාත්තයි තිලංකගෙ අම්මත් එක්ක කතා කරන්න ගත්තා.ඒ අතර තිලංක සහන්ව එක්කගෙන හේනෙ වගාකරපු බෝග පෙන්නන්න හේනට ගියා.හෝරාවකට විතර පස්සෙ ඒ දෙන්න ආයෙත් ගෙදරට ආවා.ගෙදරට එනකොටම තිලංකගෙ අම්මා තිලංකට කිව්ව ආයෙ ඉස්කෝලෙ යන්න ලෑස්තිවෙන්න කියල.

තිලංකට හිතාගන්න බැරිවුනා ඒ වචන ඇහුවම. සහන්ගෙ දෙමව්පියොත් විස්තරය තිලංකට කිව්වා.තිලංකට ඉහේ මලක් පිපුනා වගේ සතුටක් දැනුණා. තිලංක සහන්ගෙ දෙමව්පියන්ට ස්තූති කළා.ඊට ටික වෙලාවකට පස්සෙ සහන්ල තිලංකලාට සමු දීල ගෙදරින් පිටත් වුණා. තමන්ගෙ හොඳම යාලුව ආයෙත් ඉස්කෝලෙ එන නිසා සහන් හිටියෙත් ගොඩක් සතුටින්.ඊළඟ සතියෙ තිලංක ඉස්කෝලෙ ආවා.පන්තියෙ අනිත් යාලුවන්ටත්,ගුරුවරුන්ටත් ගොඩක් සතුටුයි.ඊටපස්සෙ මේ දෙන්න දිගටම තමන්ගෙ යහලුකම පවත්වාගෙන ගියා.
-නිමි.-

Stories

Categories

Kids

Thriller

Stories

Story View